Misirdə 188 nəfərə edam cəzası verildi
Bir polisin öldürülməsi səbəbiylə 683 şəxsə edam cəzası verilmişdi.
Ölkə.Az Türkiyə mətbuatına istinadən xəbər verir ki, Misirdə Giza şəhərinin cəza məhkəməsi Kirdasedəki polis şöbəsinə edilən hücumla əlaqədar şübhəli bilinən 188 nəfər edam cəzasına məhkum edilib.
Məhkəmə şübhəli bilinən şəxslərin edam olunmasına qərar verib. Qahirənin cənubunda Torada məhkəmə qərarın oxunmasını 24 yanvar 2015-ci ilə qədər təxirə salıb. 14 avqust 2013-cü ildə devrilən prezident Məhəmməd Mursinin dəstəklənməsi üçün edilən hərəkata polis müdaxilə etmiş və polis bölməsinə edilən hücumda 16 polis həyatını itirmişdi.
Mart ayında Minya məhkəməsi 529 şəxsi bir polis məmurunun ölməsi ilə nəticələnən şiddətli hadisələrin yaradılmasına görə edam etmişdi. Aprel ayında eyni hakim ictimai asayişin pozulması və bir polisin öldürülməsi səbəbiylə 683 şəxsə edam cəzası vermişdi.
Rəşid Mustafazadə
Ölkə.Az
