Şimali Koreya Cənubi Koreyaya \"su bombası atdı\"

"Ölkə.Az" xəbər verir ki, rəsmi Pxenyan xəbərdarlıq etmədən Cənubi Koreya ilə sərhəddə yerləşən su anbarının qapılarını açıb. Nəticədə Cənubi Koreyada sular təhlükəli səviyyəyə çatıb.

Hvanqqanq su anbarındakı qapıların xəbərdarlıq edilmədən açılması Cənubi Koreyanın İnjim çayındakı Pilseunq körpüsü altındakı suyun 6 metr yüksəlməsinə səbəb olub. Suyun səviyyəsi 7.5 metrə çatsa, fəlakət baş verə bilər. Cənubi Koreya rəsmiləri suyun yüksəlməsini müşahidə etdiklərini bildiriblər. Hadisə Cənubi Koreyanın adıçəkilən bölgəsində yaşayanlar üçün ölümlə nəticələnə bilər.

2009-cu ildə də Şimali Koreyanın belə bir addımı 6 nəfər Cənubi koreyalının ölümünə səbəb olmuşdu. İnsidentdən sonra Şimali Koreya su anbarındakı qapıları açanda əvvəlcədən xəbərdarlıq edəcəyinə dair söz vermişdi.

Hikmət Həsənov
Ölkə.Az