Türkiyədə keçiriləcək prezident seçkilərində Ərdoğanın rəqibi kim olacaq?
"Ölkə.Az" xəbər verir ki, Milliyətçi Hərəkat Partiyasından ayrılan Koray Aydın Meral Akşenerin namizəd olacağını bildirib.
Koray MHP-dən ayrıldıqdan sonra Meral Akşenerin yeni partiyasına üzv olacağını açıqlayıb: "2019-cu il prezident seçkilərində prezident namizədimiz Meral Akşener olacaq".
FETÖ ilə mübarizə məsələsinə toxunan siyasətçi deyib: "Belə mübarizə aparmazlar. Bəzi mətbuat orqanlarına da FETÖ-çu deyib hücum edirlər. Ana müxalifət liderinə də FETÖ-çu deyib hücum edirsən. Millətin qəlbində bunun əvəzi varmı?"
"Fox TV"-də qonaq olan Aydın aparıcının "Düz başa düşdüm? Meral Akşener namizəd olacaq"-sualına hə cavabını verib. MHP-dən niyə ayrıldığına açıqlama verən siyasətçi deyib: "Buna məcbur oldum. MHP Ədalət və İnkişaf partiyasının içində əriyəcək".
2019-cu il seçkiləri haqqında fikirlərini açıqlayan Koray Aydın Ərdoğanın Meral Akşenerə məğlub olacağını bildirib.
Hikmət Həsənov
Ölkə.Az