Şimali Koreyadan əzələ nümayişi
ABŞ-ın Quam adasını vuracağını elan edən Kim Çen İn iki yeni raket layihəsini incələyib.
"Ölkə.Az" xəbər verir ki, mütəxəssislər fotolardakı bir raketin ilk dəfə göründüyünü bildiriblər. Fotoları Şimali Koreyanın rəsmi xəbər agentliyi sayılan "KCNA" yayımlayıb.
Ballistik raket proqramı üçün mühərrik istehsal edən müəssisədə lentə alınan fotolarda "Pukguksong-3" və "Hwasong" ya da "Mars" adlı raketlərin layihələri nəzərə çarpır. Fotoda 1 nömrə ilə işarələnən "Pukguksong-3" raketidir. 3 nömrə isə "Hwasong-13"dür.
Nüvə silahları üzrə mütəxəssis Maykl Duitsman bildirib ki, fotodakı "Pukguksong-3" raketini daha əvvəl heç kəs görməyib.
Hikmət Həsənov
Ölkə.Az
