Kiyevin mərkəzində partlayış
Ukrayna müstəqillik gününü qeyd edir.
"Ölkə.Az" xəbər verir ki, paytaxt Kiyevdə, hökumət binası yaxınlığında partlayış qeydə alınıb. Ukrayna mətbuatının xəbərinə əsasən partlayış hökumət binası ilə "Dinamo" stadionu arasında baş verib.
Hadisə yerinə təcili tibbi yardım briqadası, hüquq-mühafizə orqanı əməkdaşları cəlb edilib. Ukrayna milli polisinin sədri Sergey Knyazev də hadisə yerindədir. Partlayışın səbəbləri araşdırılır. Polis yolu bağlayıb. İnsident nəticəsində iki nəfər xəsarət alıb.
Qeyd edək ki, Pentaqon rəhbəri Ceyms Mettis Kieyvdə rəsmi səfərdədir.
Hikmət Həsənov
Ölkə.Az
