Türkiyədə yeni qanun qəbul edildi

"Ölkə.Az" xəbər verir ki, Türkiyənin Rəsmi Qəzetində hökumətin iki yeni qanunu dərc edilib. 693 saylı qanun dövlət idarələrindən ixraclara aiddir. 694 nömrəli qanunda isə dövlətin iş prinsipi ilə bağlı mövzular var.

Bundan sonra MİT ( Milli İstihbarat Teşkilatı-Milli Kəşfiyyat İdarəsi-red) müşaviri prezidentin icazəsi ilə şahid kimi ifadə verəcək. MİT müşavirinə görə məsuliyyəti baş nazir yox, prezident daşıyacaq. Prokurorlar və millət vəkilləri haqqında da cinayət işi qaldırmaq mümkün olacaq.

693 nömrəli qanuna görə 922 nəfər dövlət işlərindən uzaqlaşdırılıb. Dəniz qüvvələri komandanlığında 3, Hərbi Hava Qüvvələrində isə istefahda olan 10 nəfərin rütbəsi əlindən alınıb. 120 nəfər ali təhsil müəssisələrindən uzaqlaşdırılıb.

Polis idarəsinə 29 min, xüsusi təyinatlılara 3 min 4 nəfər işə götürələcək. Bundan başqa 4 min yeni hakim və prokuror da təyin ediləcək.
Eyni zamanda iki qəzet və bir agentlik bağlanıb.

Prezident aparatında milli kəşfiyyat koordinasiya qurumu təsis edilib. MİT müşaviri haqqında cinayət işi ancaq prezidentin icazəsindən sonra açıla bilər.

Hikmət Həsənov
Ölkə.Az