Almaniya Afrikada törətdiyi soyqırıma görə üzr istəyəcək
XX əsrin ilk soyqırımı Namibyada baş verib.
"Ölkə.Az" xəbər verir ki, bu soyqırımı törədən Almaniya Namibyadan üzr istəyib təzminat verməyi qəbul edib.
Almanlar 1904-1907-ci illər arasında, 1908-ci ildə 100 min afrikalını qətlə yetiriblər. O dövrdə istismarla maraqlanan Almaniya Namibyada yerli xalqa işgəncə və zülm verib. Minlərlə insanın öldüyü düşərgələrdə üsyana qalxan Kornelius Frederiks adlı əfsanəvi Nama savaşçısı da qətlə yetirilib.
Tarixçilər bu qətliamı XX əsrin ilk soyqırımı elan edib. Namibya isə Almaniyadan bu soyqırıma görə üzr istəmək və təzminat verməyi tələb edib. Bir il davam edən müzakirələrdən sonra rəsmi Berlin üzr istəyəcəyini və müəyyən məbləğdə təzminat ödəyəcəyini qəbul edib.
Hikmət Həsənov
Ölkə.Az
