Brüsseldə "Allahu Əkbər" deyib qışqıran şəxs bıçaqla əsgərlərə hücum etdi
Belçikanın paytaxtı Brüsseldə naməlum şəxs iki əsgərə bıçaqla hücum edib.
"Ölkə.Az" xəbər verir ki, 30 yaşlı afrikalı "Allahu Əkbər"-deyə qışqıraraq Emil Jakman bulvarında iki hərbçiyə bıçaq zərbələri endirib.
Hücum edən şəxsin Somali vətəndaşı olduğu üzə çıxıb. Açılan atəş nəticəsində hücumçu ağır şəkildə yaralanıb.
Hücumçu polisə əvvəldən məlum olan şəxs deyil. Əsgərlər əl və üz nahiyəsindən yaralanıblar. Prokruroluq Somali vətəndaşına qarşı terror aktı maddəsi ilə cinayət işi qaldırıb. Amma o, xəstəxanada dünyasını dəyişib.
Hücumdan bir müddət sonra isə somalilinin dostu polis idarəsinə Molotov kokteyli ataraq yanğın törətmək istəyib. Polis əməkdaşları xəsarət almayıb. Şübhəli şəxs motosikletlə aradan şıxıb gizlənmək istəsə də,saxlanılıb. İstintaq gedir.
Hikmət Həsənov
Ölkə.Az
