Gülnarə Kərimovanın 1.5 milyardlıq sərvəti əlindən alınır
Özbəkistanın baş prokuroru Rusiya hakimiyyətinə müraciət edib.
"Ölkə.Az" xəbər verir ki, baş prokuror Özbəkistanın mərhum prezidenti İslam Kərimovun qızı Gülnarə Kərimovaya məxsus daşınmaz əmlakın müsadirə edilməsini xahiş edib.
Bu barədə Rusiya baş prokurorluğunun mətbuat xidməti açıqlama verib. Açıqlamaya əsasən Özbəkistan prokurorluğu Gülnarəyə məxsus daşınmaz əmlakın müsadirə edilməsini istəyib. Rusiya baş prokurorluğu müraciəti diqqətə alıb. Amma Gülnarə Kərimovaya məxsus hansı daşınmaz əmlakın müsadirə ediləcəyinə aid məlumat verilməyib.
Özbəkistan baş prokurorluğunun məlumatına əsasən Kərimovanın Rusiya da daxil 12 ölkədə ümumi dəyəri 1.5 milyard dollarlıq daşınmaz əmlakı var. Prokurorluq bu əmlakı müsadirə etmək üçün hərəkətə keçib.
Hikmət Həsənov
Ölkə.Az
