Birləşmiş Ərəb Əmirliklərindən ittiham
BƏƏ-nin xarici işlər naziri Rusiyanın xarici işlər naziri Sergey Lavrovla mətbuat konfransı verib.
"Ölkə.Az" xəbər verir ki, Şeyx Abdullah bin Zayed Əl-Nahyan Türkiyə və İranın Suriya dövlətinin suverenliyinə ziyan vurduğunu və bu iki dövlətin Suriyadan əllərinin çəkməsinin lazım olduğunu bildirib. Əl-Nahyan 6 il davam edən savaşın digər ölkələrə də sıçraya biləcəyini qeyd edib.
BƏƏ diplomatı sərt ittihamlarına davam edib: "Əgər Türkiyə və İran aralarındakı rəqabətə davam etsələr, bu gün Suriyada gördüklərimizi sabah başqa ölkələrdə də görəcəyik".
Səudiyyə Ərəbistanının müttəfiqi olan BƏƏ Bəşər Əsədə və onu dəstəkləyən İrana qarşı çıxır. Lavrov isə savaşın müzakirə yolu ilə başa çatdırılmasının lazım olduğunu bildirib.
Hikmət Həsənov
Ölkə.Az
