Əfqanıstanda terror aktı
Əfqanıstanda növbəti terror aktı törədilib.
"Ölkə.Az" xəbər verir ki, Nanqarxar vilayətinin Cəlalabad şəhərində əfqan siyasətçinin evinə hücum edilib. Nəticədə iki mühafizəçi qətlə yetirilib.
İnsident səhər saatlarında baş verib. Terrorçular Əfqanıstan parlamentinin aşağı palatasının üzvü Zahir Qədirin evinə hücum ediblər. Onlar iki mühafizəçini qətlə yetiriblər. Sonra isə kamikadze-terrorçu üzərindəki bombanı işə salıb.
Terrorçuların sayı məlum deyil. Onlardan biri öldürülüb. Zahirin hücum vaxtı evdə olub-olmadığı barədə məlumat yoxdur.
Heç bir terror qruplaşması hücuma görə məsuliyyəti öz boynuna götürməyib.
Hikmət Həsənov
Ölkə.Az
