İraq və İordaniya arasında sərhəd qapısı yenidən açıldı

"Ölkə.Az" xəbər verir ki, söhbət Traybil sərhəd qapısından gedir.

İraq və İordaniya hökumətləri ortaq yazılı açıqlama verib: "İraq silahlı qüvvələrinin ölkə torpaqlarını xilas edib suverenliyi bərpa etdiyi bu dövrdə iki dövlətin münasibətlərinin bütün sahələrdə inkişaf etdirilməsi, xalqlar arasındakı qardaşlıq bağlarının qüvvətlənddirilməsi üçün Traybil sərhəd qapısının yenidən açılmasına qərar verildi".

İki ölkəni birləşdirən beynəlxalq quru yolunun İŞİD terrorçularından təmizləndiyi vurğulanan açıqlamada sərhəd qapısının açılması ilə birlikdə humanitar, iqtisadi, ticari münasibətlərdə artımın olacağı bildirilir.

Qeyd edək ki, sərhəd qapısı İŞİD hücumlarına görə 2014-cü ildə bağlanıb.

Hikmət Həsənov
Ölkə.Az