Moskvada Azərbaycan vətəndaşı qətlə yetirildi
Rusiyanın paytaxtı Moskva şəhərində Azərbaycan vətəndaşı güllələnib.
“Ölkə.Az” xəbər verir ki, bu barədə Rusiyanın hüquq-mühafizə orqanlarından yerli mətbuata məlumat verilib. Verilən məlumata görə, hadisə Moskvanın cənubunda qeydə alınıb.
“Qərbi Birülevo rayonundakı Xarkov keçidində başından güllələnən kişi meyiti aşkar edilib. Araşdırmalar zamanı ölən şəxsin Azərbaycan vətəndaşı olduğu müəyyən edilib”. – deyə məlumatda bildirilib.
Meyiti müayinə edərkən məlum olub ki, onun başına yaxın məsafədən atəş açıblar. Bu səbəbdən, Rusiya polisi ehtimal edir ki, qətl sifariş xarakterlidir. Cinayət barədə ətraflı məlumat verilməyib.
Hadisə ilə əlaqədar cinayət işi başlanılıb. Araşdırmalar aparılır.
Ziya Səccad
Ölkə.Az
