Masallıda bazar yanıb
Masallıda güclü yanğın hadisəsi baş verib. Hadisə bu gün səhər saatl 05:30 radələrində şəhərin mərkəzi bazarında qeydə alınıb. Hadisə yerinə dərhal Fövqəladə Hallar Nazirliyinin (FHN) Masallı Rayon Yanğından Mühafizə Hissəsinin 4 yanğınsöndürən maşını və canlı qüvvəsi cəlb olunub.
Yanğının əhatə dairəsi genişləndiyindən əraziyə Lənkəran və Göytəpə şəhərlərinin hər birindən əlavə olaraq daha bir yanğınsöndürən maşın cəlb olunub. Onların 3 saata yaxın birgə səyləri nəticəsində yanğını lokallaşdırmaq mümkün olub. Hadisə zamanı xəsarət alan olmasa da, bazarın 500 kvadratmetrlik ərazisi, o cümlədən 20-dən mağaza içindəki mallarla birlikdə yanaraq yarasız vəziyyətə düşüb. Yanğının başvermə səbəbləri hələlik bilinmir. Bu, aparılmış ekspertizanın verəcəyi rəydən sonra bəlli olacaq.
Faktla bağlı araşdırma aparılır.
İlkin Nur
Ölkə.Az
