Dağlıq Qarabağda erməni əsgəri öldü

“Ölkə.Az” xəbər verir ki, bu barədə Ermənistan Müdafiə Nazirliyi məlumat yayıb. Verilən məlumata görə, hadisə sentyabrın 28-də Ermənistan vaxtı ilə saat 15:00-da qeydə alınıb.

Ölən əsgərin kimliyi məlum olub. O, 1998-ci il təvəllüdlü hərbi qulluqçu Seyran Sarkisyandır. Onun aldığı güllə yarasından öldüyü bildirilib. Hadisənin hansı səbəbdən baş verdiyi açıqlanmır.

Qeyd edək ki, son dövrlər erməni hərbçiləri arasında hərc-mərclik, qarşıdurma sürətlə davam edir. Bir çox hallarda isə erməni əsgərlər arasında zorakılıq, homoseksuallıq hallarının geniş vüsət alması barədə elə erməni mətbuatı özü xəbərlər paylaşır. Bundan əlavə, əsgərlər arasında intihar halları da geniş vüsət alıb. Bu səbəbdən də, Ermənistanda hərbi xidmətdən yayınma halları çoxalıb.

Ziya Səccad
Ölkə.Az