Bakı polisi metroda əməliyyat keçirdi: Saxlanılan var
Araşdırma aparılır.
Bakı Metropolitenində cinayət baş verib.
Bakı Şəhər Baş Polis İdarəsindən Oxu.Az-a verilən məlumata görə, “Nizami” stansiyasında sərnişin - Bakı şəhər sakini İlqar Yusifzadənin mobil telefonu oğurlanıb.
Bu barədə şikayət daxil olan kimi Bakı Metropolitenində Polis Şöbəsinin cinayət axtarış qrupu əməkdaşları əməliyyat keçiriblər.
Əməliyyat-axtarış tədbirləri nəticəsində oğurluqda şübhəli bilinən Mingəçevir şəhər sakini, 1979-cu il təvəllüdlü Rəşad Lətifov tutulub.
Araşdırmalar zamanı məlum olub ki, Rəşad Lətifov əvvəllər də oğurluq üstündə məhkumluq həyatı yaşayıb.
Faktla bağlı araşdırmalar aparılır.
Ölkə.Az
