Avtomobil maneəyə çırpılıb, xəsarət alan var
Gəncədə bir nəfərin xəsarət alması ilə nəticələnən yol qəzası baş verib.
Ölkə.Az APA-ya istinadən xəbər verir ki, hadisə şəhərin Yeni Gəncə qəsəbəsində qeydə alınıb.
Hərəkətdə olan avtomobilin idarəetmədən çıxaraq yolun kənarındakı maneəyə çırpılması nəticəsində sərnişin, 1972-ci il təvəllüdlü Mirzəyeva Şərqiyyə Rasim qızı xəsarət alaraq xəstəxanaya yerləşdirilib. Ona tibbi yardım göstərilib. Vəziyyətinin kafi olduğu bildirilir.
Faktla bağlı araşdırma aparılır.