Daş karxanasının işçisi güllələndi
Mingəçevirdə fəaliyyət göstərən daş karxanalarının birində qətl hadisəsi baş verib.
Daş karxanasında işləyən şəhər sakini 52 yaşlı Hümbət Maşıyev kimliyi bilinməyən şəxs və ya şəxslər tərəfindən ov tüfəngi ilə güllələnib . Açılan güllə onun sol bədəninin çiyin nahiyəsindən dəyib.
Güllə yarası alan Hümbət Maşıyev təcili tibbi yardım maşını ilə Şəhər Mərkəzi xəstəxanasına aparılaraq reanimasiya şöbəsinə yerləşdirilib. Həkimlərin səyinə baxmayaraq 52 yaşlı kişi daxili qanaxmadan dünyasını dəyişib.
Faktla bağlı Şəhər Prokurorluğunda araşdırma aparılır. (qafqazinfo)
Ölkə.Az
