Gəlinini güllələyən qayınata polisə təslim oldu
Sabunçu rayonunda ov tüfəngi ilə gəlinini öldürmüş şəxs könüllü olaraq istintaqa təslim olub.
“Ölkə.Az” DİN-nin saytına istinadən xəbər verir ki, hadisə dekabrın 11-də Maştağa qəsəbəsində baş verib. Seyidmalik Məmmədov ailə münaqişəsi zəminində ov tüfəngindən açdığı atəşlə gəlini Aysel Məmmədovanı qətlə yetirib.
Polis və prokurorluq orqanları əməkdaşlarının apardıqları profilaktik tədbirlər nəticəsində S.Məmmədov könüllü olaraq Sabunçu RPİ-nin 14-cü Polis Bölməsinə gələrək istintaqa təslim olub.
Hadisəni törədərkən S.Məmmədovun istifadə etdiyi müvafiq sənədləri olmayan “İJ-16” markalı ov tüfəngi hadisə yerindən götürülüb.
Araşdırma aparılır.
