Nəsimi rayonunda kafedə soyğunçuluq baş verdi
Nəsimi rayonunda fəaliyyət göstərən kafelərin birində soyğunçuluq hadisəsi qeydə alınıb.
"Ölkə.Az"ın əldə etdiyi məlumata əsasən, hadisə Nəsimi rayonu, Moskva prospekti 52 ünvanında yerləşən kafelərin birində baş verib.
Kafeyə müştəri qismində gələn şəxs yeyib-içən Rüfət Quliyev adlı şəxsin cibində küllü miqdarda pul olduğunu görüb. Onu güdən Samir Pənahov fürsət düşən kimi R.Quliyevi bıçaqla hədələyərək cibində olan 1000 avro pulu götürərək kafeni tərk edib. Nəsimi Rayon Polis İdarəsi əməkdaşlarının keçirdikləri əməliyyat-axtarış tədbirləri nəticəsində Samir Pənahov saxlanılaraq istintaqa cəlb edilib.
Faktla bağlı Nəsimi RPİ-nin İstintaq Şöbəsində cinayət məcəlləsinin 180.1-ci (soyqunçuluq) maddəsi ilə cinayət işi başlanıb. Saxlanılan şəxsin digər analoji cinayət əməlləri törətməsi istisna olunmur.
Ölkə.Az
