Avtobus sürücüsü sükan arxasında infarkt keçirdi
"Azadlıq" metrostansiyası yaxınlığında avtobus sürücüsü zəncirvari qəza törədib.
"Ölkə.Az" lent.az-a istinadən xəbər verir ki, 90 XX 135 dövlət nişanlı 202 nömrəli avtobusun sürücüsü özünü itirərək yolun kənarında olan VAZ 2104 markalı avtomobili vurub. Daha sonra isə avtobus sürücüsü yolun kənarında olan "Hyundai" markalı avtomobili 200 metr sürüyüb. "Hyundai" markalı avtomobil isə yol düzəldən maşına çırpılaraq dayanıb. Hadisə şahidləri bildirib ki, avtobusda sərnişinlər olsa da, xəsarət alan olmayıb.
Hadisə yerinə təcili yardım və polis əməkdaşları gəlib. Avtobus sürücüsünün infarkt keçirdiyi bildirilir. Ona ilkin tibbi yardım göstərilib.
