Masaj salonunda dincəlməyə gələn müştərinin pulları oğurlandı
Hadisə R. Behbudov küçəsi 45-də yerləşən masaj salonlarından birində baş verib.
"Ölkə.Az"-ın əldə etdiyi məlumata əsasən, Azər Süleymanov adlı şəxs masaj salonuna dincəlməyə gəlib və bu zaman yuxuya gedib. Müştərinin yuxuya getməsindən istifadə edən başqa bir müştəri onun cibindəki 1500 manat pulu oğurlayaraq ərazini tərk edib.
Yuxudan ayılan müştəri dərhal aidiyyatı üzrə Nəsimi RPİ-nin 22-ci polis bölməsinə ərizə ilə müraciət edib. İsti izlərlə keçirilən əməliyyat-axtarış tədbirləri nəticəsində hadisəni törətməkdə şübhəli bilinən Fərhad Əliyev saxlanılaraq istintaqa cəlb olunub və barəsində cinayət məcəlləsinin 177-ci (oğurluq) maddəsi ilə cinayət işi başlanıb.
