Sumqayıtda yanğın: 1 ölü

Sumqayıt şəhərində bir nəfərin ölümü ilə nəticələnən yanğın hadisəsi baş verib. Sumqayıt şəhərində vətəndaşa məxsus ümumi sahəsi 150 kv.m olan birmərtəbəli, 4 otaqlı evin 1 otağında yanğın meydana gəlib.Ötən gün axşam saatlarında baş verən hadisə nəticəsində, 1 ədəd çarpayı, ev əşyaları 6 kv.m sahədə və dam örtüyünün yanar konstruksiyaları 15 kv.m sahədə yanıb. Yanğının kəşfiyyatı zamanı 1962-ci il təvəllüdlü Seyidov Azad Bilmalı oğlunun yanmış meyiti yanğınsöndürənlər tərəfindən aşkar edilib. Evin qalan hissəsi yanğından mühafizə olunub. Yanğın saat 21:57-də yanğınsöndürənlər tərəfindən söndürülüb. (anspress)