Tüfeyli həyat tərzi keçirən 55 yaşlı kişi öldü

"Ölkə.Az" xəbər verir ki, dərhal əraziyə təcili tibbi yardım maşını çağırılıb. Yardıma gələn tibb işçiləri orta yaşlarında şəxsin sərxoş olduğunu görüblər və dərhal 1 saylı şəhər xəstəxanasına aparıblar.

Müəyyən olunub ki, tüfeyli həyat tərzi keçirən kişi yüksək dərəcəli alkoqollu içkilr qəbul etdiyindən yıxılıb və ağır bədən xəsarətləri alıb. Həkimlər ona tibbi yardım göstərsələrdə həyatını xilas etmək mümkün olmayıb. Məhkəmə Tibbi Ekspertiza və Pataloji Anatomiya Birliyinin Nərimanov rayon şöbəsinə aparılan naməlum meyitin şəxsiyyəti sonradan məlum olub.

Hüquq-mühafizə orqanlarının araşdırmalarından sonra məlum olub ki, dünyasını dəyişən şəxs 1963-cü ildə Bakı şəhərində anadan olmuş Novruzbəyov Arif Camal oğludur. Belə ki, 55 yaşında kişi bir müddət əvvəl ailəsindən ayrılıb və tüfeyli həyat tərzi keçirməyə başlayıb. Həmçinin spirtli içkilərə meylli olub.

Faktla bağlı Nərimanov rayon prokurorluğunda araşdırmalar aparılır.