3 həftə əvvəl yol qəzasında xəsarət alan şəxs dünyasını dəyişdi

“Ölkə.Az”-ın xəbərinə görə, 1959-cu il təvəllüdlü Mehbalıyev Qələndər Mahmud oğlu qəza zamanı aldığı xəsarətlərdən dünyasını dəyişib. Belə ki, yanvar ayının 10-da Sabunçu rayonu, Zabrat qəsəbəsində Hüseynov Məhəmməd Ələsgər oğlu idarə etdiyi “Oka” markalı avtomaşınla yolu keçmək istəyən piyada Q, Mehbalıyevi vurub. Yaralı 3 saylı xəstəxanaya çatdırılsa da, sonradan Mərkəzi Klinik Xəstəxanaya köçürülüb. Həkimlərin səylərinə baxmayaraq, zərərçəkənin həyatını xilas etmək mümkün olmayıb. 

Faktla bağlı Sabunçu RPİ-də cinayət məcəlləsinin 263-1.3-cü (Yol hərəkəti və ya nəqliyyat vasitələrinin istismarı qaydaları nəqliyyat vasitələrini idarə etmək hüququ olmayan şəxs tərəfindən pozularaq ehtiyatsızlıqdan zərərçəkmiş şəxsin ölümünə səbəb olma) maddəsi ilə cinayət işi başlanıb. İstintaq hərəkətləri zamanı məlum olub ki, “Oka” avtomobilini idarə edən M.Hüseynovun sürücülük vəsiqəsi olmayıb.