Suraxanıda qadının evini yardılar
Hadisə Hövsan qəsəbəsi, Quşçuluq massivində qeydə alınıb.
“Ölkə.Az”-ın xəbərinə görə, Abdullayeva Əfqanə Şahverən qızı Suraxanı RPİ-nin 30-cu Polis Bölməsinə ərizə ilə müraciət edərək evindən 2000 ABŞ dolları və 50 qram qızılın oğurlandığını bildirib. Hüquq-mühafizə orqanlarının əməkdaşları oğurluq olan mənzilə baxış keçiriblər və müəyyən ekspertizalar təyin ediblər.
Faktla bağlı Suraxanı RPİ-nin İstintaq Şöbəsində cinayət məcəlləsinin 177-ci (oğurluq) maddəsi ilə cinayət işi başlanıb və cinayətkarların axtarışlarına start verilib.
