Bakıda 3 nəfər itkin düşüb
Son günlər Bakı şəhərində itkin düşənlərin sayı artıb.
Ötən gün Sabunçu, Nizami və Xətai rayonunda itkin düşən şəxslər barədə məlumatlar qeydə alınıb.
“Ölkə.Az”-ın xəbərinə görə, 2000-ci il təvəllüdlü Balaxanı qəsəbə sakini Namazova Nərmin evdən çıxıb və geri qayıtmayıb. 18 yaşlı qızın itkin düşməsi ilə bağlı 12-ci Polis Bölməsinə müraciət olunub.
Digər oxşar hadisə isə Nizami rayonunda qeydə alınıb. Ordubadi küçəsində yaşayan Quliyev Seyran Şahin oğlunun itkin düşməsi barədə Nizami RPİ-nə məlumat verilib.
52 yaşlı Daşdəmirov Mehdi Namaz oğlu isə Xətai rayonunda itkin düşüb. Hazırda hər üç şəxsin tapılması istiqamətində əməliyyat-axtarış tədbirlərinə başlanılıb.