Bakıda 2 maddə ilə axtarışda olan şəxs həbs edildi
Nizami RPİ-si 25-ci Polis Bölməsinin əməkdaşları cinayət məcəlləsinin 2 maddəsi ilə axtarışda olan şəxsi saxlamağa müvəffəq olub.
“Ölkə.Az”-ın Nizami rayon Polis İdarəsindən aldığı məlumat görə, ötən ilin fevral ayından cinayət məcəlləsinin 126.1-ci (qəsdən sağlamlığa ağır xəsarət yetirmə) və 221.3-cü (odlu silahdan istifadə etməklə xuliqanlıq etmə) maddələri ilə axtarışda olan Vusal Quliyev həbs edilib.
Məlum olub ki, hadisə baş verən zaman V.Quliyev barəsində polisin nəzarəti altına vermə qətimkan tədbiri seçilib, ancaq o, istintaqdan yayındığına görə, axtarışa verilib.
