Sərhəd xidməti xaricdə döyüşmüş 30 azərbaycanlını saxladı

Ötən il sərhəddə 2 İran vətəndaşı həlak olub.

2014-cü ildə Azərbaycanın dövlət sərhədini pozduğuna görə 423, sərhəd rejimi qaydalarını pozduqlarına görə 16 min 2 nəfər saxlanılıb.

Dövlət Sərhəd Xidmətindən Ölkə.Az-a verilən məlumata əsasən, onların 46,1%-i Azərbaycan, 18,7%-i Özbəkistan, 6,4%-i İran, 4,5%-i Moldova, 4,3%-i Əfqanıstan, 3,8%-i Türkiyə, 3,1%-i Gürcüstan, 2,6%-i Rusiya, 2,6%-i Suriya, 1,9%-i Nigeriya, 1,9%-i Ukrayna, 4,1%-i digər ölkə vətəndaşları olub.

Bundan başqa, 2014-cü ildə sərhəd pozucuları ilə mübarizə zamanı iki İran vətəndaşı həlak olub, Azərbaycanın Sərhəd Qoşunlarının bir zabiti yaralanıb.

Məlumatda həmçinin qeyd olunur ki, 2014-cü il ərzində Sərhəd xidməti həmçinin xaricdə döyüşmüş 30 Azərbaycan vətəndaşını saxlayıb, 15 mütəşəkkil cinayətkar dəstə zərərsizləşdirilib.

Ölkə.Az