Qaradağda “KamAz”la minik maşını toqquşdu

“Ölkə.Az”a verilən məlumata görə, fevral ayının 4-də baş verən qəza zamanı xəsarət alan Gülgəz Haqverdiyeva da dünyasını dəyişib. 

Xatırladaq ki, ötən gün G.Haqverdiyevanın həyat yoldaşı Sakit Haqverdiyev dünyasını dəyişib. Hadisənin baş verməsinə gəlincə,   fevral ayının 4-də Sanqaçal qəsəbəsində “KamAZ” markalı yük maşını ilə Güləliyev Sahil Nəzir oğlunun idarə etdiyi “VAZ-2106” markalı avtomobil toqquşub. Nəticədə minik avtomobilinin sərnişini Sakit Haqverdiyev və Gülgəz Haqverdiyeva ağır xəsarət alaraq xəstəxanaya yerləşdirilimişdilər. 

Faktla bağlı Qaradağ RPİ-nin İstintaq Şöbəsində cinayət məcəlləsinin 263.3-cü (Yol hərəkəti və nəqliyyat vasitələrinin istismarı qaydalarını pozma ehtiyatsızlıqdan iki və daha çox şəxsin ölümünə səbəb olduqda) maddəsi ilə cinayət işi başlanıb və hər iki avtomaşının sürücüsü həbs edilib.

Ölkə.Az