Gəncə, Bərdə və Ağcabədidə yanğın olub

Bu gün Gəncə şəhəri, Nizami rayonunda yanğın olub.

Fövqəladə Hallar Nazirliyinin saytına istinadən verilən məlumata görə, vətəndaşa məxsus ümumi sahəsi 28 kv.m olan köməkçi tikilinin dam örtüyünün yanar konstruksiyaları yanıb. Köməkçi tikilinin qalan hissəsi yanğından mühafizə olunub. Yanğın saat 10:30-də söndürülüb.

Oxşar hadisə Bərdə rayonu, Körpüsındıran kəndində də qeydə alınıb. Vətəndaşa məxsus həyətyanı sahəyə yığılmış 4 ton ot bağlamasının 800 kq-ı yanıb.

Ağcabədi rayonu, Şənlik kəndində isə (rayon mərkəzindən 12 km aralı) vətəndaşa məxsus ümumi sahəsi 68 kv.m olan birmərtəbəli 2 otaqlı evin çardağının yanar konstruksiyaları 12 kv.m sahədə yanıb. Evin qalan hissəsi yanğından mühafizə olunub. (lent.az)

Ölkə.Az