Naftalanda iş yoldaşı tərəfindən güllələnən qadın öldü
Ötən gün günorta saatlarında güllə yarası alan 1987-ci il təvəllüdlü Naftalan şəhər sakini İsayeva Günay Gəray qızı Goranboy Rayon Mərkəzi Xəstəxanasında həkimlərin göstərdiyi səylərə baxmayaraq, dünyasını dəyişib.
“Ölkə.Az”ın məlumatına görə, "Sehirli Naftalan" sanatoriyasında qeydiyyatçı işləyən G.İsayeva həmin müəssisənin Goranboy rayonunun Qızılhacılı qəsəbəsindən olan 1956-cı il təvəllüdlü sürücüsü Hüseynov Əli Hüseyn oğlu tərəfindən tüfənglə vurulub. Münaqişənin yaranmasına səbəb qadının sürücüyə müştəri verməməsi olub.
Faktla bağlı cinayət məcəlləsinin 126.3-cü maddəsi ilə maddəsi ilə cinayət işi başlanıb, hadisəni törədən şəxs həbs edilib.
