Narkotik dövriyyəsi ilə məşğul olan şəxslər tutuldu

Şəki və Hacıqabulda keçmiş məhkumlardan narkotik vasitələr götürülüb.

DİN Mətbuat Xidmətinin Şəki regional qrupundan “Ölkə.Az”-a verilən məlumata görə, martın 27-də Şəki Şəhər Rayon Polis Şöbəsi (ŞRPŞ) əməkdaşları tərəfindən narkotiklərin qanunsuz dövriyəsinə qarşı növbəti uğurlu əməliyyat tədbiri keçirilib.Belə ki, əvvəllər dəfələrlə məhkum olunmuş Şəki şəhər sakini Rizvan Sadıqov şəhər ərazisində saxlanılıb və şübhəli şəxs kimi Polis Şöbəsinə gətirilib. Üzərinə şəxsi axtarış keçirilən zaman bir ədəd sellofan torbanın içərisində çəkisi 497 qram narkotik vasitə olan qurudulmuş marixuana aşkar edilərək götürülüb.

Faktla bağlı ŞRPŞ-nin İstintaq bölməsində araşdırma aparılır.

Hacıqabulda da əvvəllər məhkum olunmuş şəxsdən narkotik vasitə olan tiryək götürülüb. Hacıqabul rayon sakini, əvvəllər məhkum olunmuş 1984-cü il təvəllüdlü Teymurov Yaşar Müxtəsər oğlu polis tərəfindən şübhəli şəxs qismidə saxlanılıb. Üzərinə baxış zamanı 49 qram çəkidə narkotik vasitə olan tiryək aşkar edilərək götürülüb.

Faktla bağlı Hacıqabul Polis Şöbəsində cinayət işi başlanıb, araşdırma aparılır.