Suraxanı rayonunda orta yaşlı kişini bıçaqladılar
Hadisə rayonun Yeni Günəşli qəsəbəsində baş verib.
“Ölkə.Az”ın məlumatına görə, 1973-cü il təvəllüdlü Vəliyev Cəlal Vahid oğlu tanımadığı şəxs tərəfindən bıçaqlanıb.
Mübahisəyə səbəb isə tanımadığı şəxsin C.Vəliyevdən danışmaq üçün mobil telefonunu istəməsi olub. Vəliyev şəxsi telefonunu tanımadığı şəxsə vermədiyini deyəndə qarşı tərəf üzərində gəzdirdiyi cib bıçağı ilə ona bir neçə xəsarət yetirərək aradan çıxıb.
Yaralı ağır vəziyyətdə 3 saylı şəhər xəstəxanasına çatdırılıb.
Faktla bağlı Suraxanı RPİ-nin İstintaq Şöbəsində cinayət məcəlləsinin 126.1-ci (qəsdən sağlamlığa ağır xəsarət yetirmə) maddəsi ilə cinayət işi başlanıb.
