Tanker "Min bir gecə" serialının çəkildiyi tarixi binaya çırpıldı
"Vitaspirit" adlı tanker İstanbulun Bosfor boğazı sahilində yerləşən tarixi villaya çırpılıb.
“Ölkə.Az” xəbər verir ki, Fatih körpüsü yaxınlığında "Hekimbaşı Salih Efendi" villasına çırpılan gəmi 225 metr uzunluğu, 32 metr eni olan tankerdir.
Məlumata görə, hadisəyə tankerin əl çarxının kilidlənməsi səbəb olub. Qəza yerinə sahil mühafizəsinin gəmiləri gələrək tankeri binadan uzaqlaşdırıblar.
Hadisə nəticəsində xəsarət alan olmasa da, XVIII əsrə aid tarixi binaya böyük ziyan dəyib. Binanın divar və tavanının yarısı uçub.
Qeyd edək ki, hazırda toy, konsert və bu kimi digər tədbirlərə ev sahibliyi edən sarayda bir vaxtlar məşhur "Min bir gecə" serialı da çəkilib.