Zita adlı residivist oğru azadlıq istəyir
Cinayət məəlləsinin bir neçə maddəsi ilə həbsdə yatan Zolotoryova Zita Qeorqievna azadlığa çıxmaq üçün məhkəməyə müraciət edib.
“Ölkə.Az”ın məlumatına görə, Zita, barəsində “Azərbaycan Respublikasının Cinayət Məcəlləsində dəyişikliklər edilməsi haqqında” qanunun tətbiq edilməsini istəyir.
Qeyd edək ki, Zita Zolotoryova Nəsimi RPİ 22-ci PB əməkdaşlarının həyata keçirdikləri əməliyyat-axtarış tədbirləri nəticəsində saxlanılıb. O, Lerik rayon sakini Vüsal Babayevin cibindən 47 manatını və sənədini oğurlamaqda şübhəli bilinib. Saxlanılan zaman onun üzərindən 3,72 qram tiryək də götürülüb. Xatırladaq ki, Z.Zolotoryova 2009-cu ilin mart ayında da Bakı Şəhər Baş Polis İdarəsinin Metropolitendə Polis Şöbəsi əməkdaşlarının keçirdikləri əməliyyat tədbirləri nəticəsində Cinayət Məcəlləsinin soyğunçuluq maddəsi ilə axtarışda olduğuna görə də həbs edilib.
