"Sovet mafiyası"nın İrəvan "sxodkası": Rövşən Lənkəranski "oğru" titulundan məhrum edildi

İrəvanda son 10 ilin ən böyük "kriminal sammiti" keçirilib.

Ölkə.az Rusiya KİV-lərinə istinadən xəbər verir ki, dünən gecə İrəvan yaxınlığında keçirilən "kriminal yığıncaqda" keçmiş SSRİ məkanının ən nüfuzlu "avtoritetləri" iştirak ediblər.

"Sxodka"da Zaxari Kalaşov, Robinzon Arabuli, Qeorqiy Uqlava, David Sebiskveradze, Vaja Biqanişvili, Oleq Şişkanov, Boris Apakiya, Hüseyin Əhmədov və digər nüfuzlu qanqsterlərin iştirak etdiyi bildirilir.

Məlumata görə "sxodka"da iştirak etmək üçün İrəvana 100-dən çox avtoritet gəlib. "Sxodka"da azərbaycanlı Rövşən Caniyev və Camal Mikeladzenin "oğru" titulları əllərindən alınıb. Geridə qalan iki "oğru", Merab Canqveladze və Tariel Onianinin titullarının alınıb-alınmaması məsələsi isə onlar həbsxanadan çıxdıqdan sonra müzakirə ediləcək.

Xatırladırıq ki, "oğru dünyasının" qara siyahısına düşənləörin hamısı Ded Xasanının keçmiş düşmənləridir.

Ölkə.az