Bakıda məşhur hosteldə əcnəbi dünyasını dəyişdi
Səbail rayonunda yerləşən hosteldə əcnəbi vəfat edib.
“Ölkə.Az”ın xəbərinə görə, hadisə Xəqani küçəsi 3-də yerləşən “Centrum Hostel”də qeydə alınıb. Belə ki, İrlandiya Respublikasının vətəndaşı 1957-ci il təvəllüdlü Alan Friderik ürək çatışmazlığından dünyasını dəyişib.
Hadisə yerinə rayonun hüquq-mühafizə orqanlarının əməkdaşları gəlib və ilkin müayinələrə başlayıblar. Məhkəmə-tibbi ekspertinin verdiyi rəyə görə, 61 yaşlı əcnəbi uzun müddətdir ki, ürək xəstəliyindən əziyyət çəkir.
Faktla bağlı Səbail rayon prokurorluğunda arşdırmalara başlanılıb.
