“Məktəbli su içib sonra pilləkənin başında yerə yıxılıb”
Baş vermiş məktəblinin ölümü ilə bağlı Saatlı rayonunun prokuroru Kamran Mahmudov “Ölkə.Az”a açıqlamasında bidirdi ki, hadisə səhər saat 11-ə işləmiş baş verib:
“2-ci dərsin tənəffüsündə 2004-cü il təvəllüdlü Yahya Eldar oğlu Ağayev sinif yoldaşları ilə birgə su içib sonra pilləkənin başında yıxılıb və dili qatlanıb. Dərhal həkim çağırıblar, ancaq artıq gec olub. Rayon məhkəmə tibbi eksperti bizim iştirakımızla hadisə yerində oldu, daxili müayinə etdi, heç bir xəsarəti olmayıb.
Məhkəmə tibbi ekspertizası təyin edilib, ekspertizanın rəyindən sonra ölümün dəqiq səbəbi bilinəcək. Ehtimallar var ki, qıcolma ola bilər.
Müəllimləri, şagirdləri dindirdik, şagirdə qarşı heç bir zorakılıq olmayıb. Ailənin 3 uşağından ən kiçiyidir, 2 qardaşı Naxçıvanda hərbi xidmətdədir”.
Faktla bağlı Saatlı rayon prokurorluğunda araşdırmalara başlanılıb. Ekspertizanın verəcəyi rəydən sonra fakta hüquqi qiymət veriləcək.
