Qızıl alverçilərini aldadan dələduz qadının məhkəməsi

“Ölkə.Az”ın xəbərinə görə, Osmanlı Təranə Azad qızının məhkəmə prosesinə hakim Vüqar Məmmədov sədrlik edir. 

İttiham aktına görə, cinayət məcəlləsinin178.2.2-ci maddəsi ilə təqsirləndirilən Təranə Osmanova barəsində 4 qadın şikayət edib. Bakı şəhər sakinləri 38 yaşlı Səbinə Əliyeva, 41 yaşlı Lyubov Kuzmina, 31 yaşlı Günay Tağıyeva və Ordubad rayon sakini 34 yaşlı Vəfa Süleymanova hüquq-mühafizə orqanlarına müraciət edərək bildiriblər ki ki, 2015-ci ilin oktyabr-noyabr aylarında Bakı şəhər sakini 36 yaşlı Təranə Osmanlı onları aldadaraq S.Əliyevadan 51 min 620 manat, L.Kuzminadan 3 min avro və 3 min 300 ABŞ dolları, G.Tağıyevadan 10 min və V.Süleymanovadan 4 min manat dəyərində qızıl-zinət əşyaları alıb.

Həmin zamandan bir müddət keçsə də, T.Osmanova aldığı qızılları və pulları qaytarmaq istəməyib. 

Qeyd edək ki, Təranə Osmanovaya pul və qızıl verən qadınlar qızıl alveri ilə məşğul olurlar.