Mağazada qadını soydular
Nəsimi rayonu, Bülbül prospekti 100-də yerləşən mağazada qeyri-adi hadisə baş verib.
“Ölkə.Az”ın xəbərinə görə, Elnarə Əliyeva adlı qadın günün günorta çağı mağazada alış-veriş edən zaman tanımadığı şəxs onun əlindən 100 manatı götürərək qaçıb.
Qadın səs-küy salsa da soyğunçunu yaxalamaq mümkün olmayıb. Ərazidə xidmət aparan polis əməkdaşları hadisə yerinə gələrək qadının izahatını alıblar, mağazanın müşahidə kameralarına baxış keçirilib.
Faktla bağlı Nəsimi RPİ-nin 22-ci polis bölməsi tərəfindən təhqiqat araşdırmalarına başlanılıb.
