Bakı bulvarına gəzintiyə gətirdiyi nişanlısını itirdi

Bakıda 17 yaşlı qız itkin düşüb. 

Bir neçə gün əvvəl polisə müraciət edən Hacıqabul rayon sakini, 27 yaşlı Vüqar Əbilov (ad və soyadlar şərtidir) bildirib ki, nişanlısı Dənizkənarı Milli Park ərazisində itkin düşüb. Şikayətçi qeyd edib ki, Hacıqabul rayonunda qeydiyyatda olmaqla yaşayır və nişanlısı, 17 yaşlı Gülçöhrə Cəfərova ilə Bakı bulvarına gəzintiyə gəlib. Lakin Neftçilər prospekti 12 ünvanın qarşısında qız naməlum şəraitdə yoxa çıxıb.

Araşdırmalardan sonra 17 yaşlı qızın yeri müəyyən edilib və o ailəsinə təhvil verilib.

Qızın hansı şəraitdə itkin düşməsi və digər məsələlərlə bağlı açıqlama verilmir. (lent.az)

Ölkə.Az