Salyanda qəza

Salyan rayonunun Stansiya yaşayış massivinin sakini, 47 yaşlı Asiman Tağıyev idarə etdiyi "VAZ-2115" markalı minik avtomobili ilə şəhərin mərkəzinə doğru hərəkət edərkən anidən idarəetməni itirib. 

Nəticədə avtomobil yolun kənarında dayanan 51 yaşlı Etibar Hümbətova məxsus "Mercedes" markalı maşına çırpılıb. Nəticədə avtomobilin ön hissəsi əzilib. Sürücü isə sükan arxasında dünyasını dəyişib. Hadisə yerinə gələn təcili tibbi yardım maşını ilə sürücünün meyidi daxili və xarici müayinə olunmaq üçün morqa aparılıb. 

Yaxınlarının dediyinə görə, 3 uşaq atası olan Asiman Tağıyev 10 il idi ki, ürək ağrısından müalicə olunurdu. Faktla bağlı araşdırma aparılır. (kəpəz tv)

Ölkə.Az