Nardaran əhalisi peyğəmbəri təhqir edən karikaturalara etiraz əlaməti olaraq aksiyalara başlayıb

Hazırda aksiya davam edir.

Nardaran kəndinin İmam Hüseyn meydanında bir qrup insanların iştirakı ilə kütləvi aksiya keçirilir.

Ölkə.Az bildirir ki, Həftə.az-ın hadisə yerində olan müxbirinin verdiyi məlumata görə, hazırda kəndin meydanı bütünlüklə dolub. Aksiya iştirakçıları Charlie Hebdo redaksiyasında törədilən terror hadisəsi ilə əlaqədar olaraq aksiyada fəallıq nümayiş etdirir.

Aksiyada "Müsəlmanlar oyaqdı, Peyğəmbərə dayaqdı" şüarı ilə yanaşı, "Fransa, Amerika və İsrailə ölüm olsun" şüarı da səsləndirilir.

Qeyd edək ki, aksiyada Fransa, Amerika, İsrail bayraqları yerə atılıb.

Ölkə.Az