Bakıda döyüş sursatı tapıldı
Bakıda döyüş sursatı tapılıb.
Nazirliyin “112” qaynar telefon xəttinə daxil olmuş məlumata əsasən, Bakı şəhəri, Nərimanov rayonunda döyüş sursatı aşkarlanıb. Dərhal Fövqəladə Hallar Nazirliyinin müvafiq qurumlarının mütəxəssisləri lazımi tədbirlərin görülməsi üçün hadisə yerinə cəlb olunub.
Mütəxəssislər tərəfindən əraziyə baxış keçirilərkən aşkarlanmış istifadəyə yararlı olan 2 ədəd F1 əl qumbarası və 2 ədəd qumbara başlığı aidiyyəti üzrə təhvil verilib. Əraziyə təkrar baxış keçirilmiş və digər partlayış təhlükəli silah və sursat aşkar edilməyib. Əməliyyat saat 21:00-da başa çatıb.
Ölkə.Az
