27 yaşlı İmişli sakini Bakıda öldü

Bakıda ölümlə nəticələnən bədbəxt hadisə baş verib. 

Xətai rayon Polis İdarəsindən verilən xəbərdə, 1988-ci il təvəllüdlü Nuşirəvanlı Telman Tahir oğlu dəm qazından boğulduğu bildirilir.

Fevralın 7-də baş verən hadisə Mikayıl Müşfiq küçəsi ev 1A ünvanında qeydə alınıb. Onun meyiti yaxınları tərəfindən aşkarlanıb.

Bildirilir ki, bədbəxt hadisə nəticəsində dünyasını dəyişən gənc Bakıdakı özəl şirkətlərdən birində santexnik kimi fəaliyyət göstərirmiş. Onun cənazəsi doğulduğu İmişlinin Bəhramtəpə qəsəbəsinə göndərilib.

Bədbəxt hadisə ilə bağlı araşdırmalar aparılır. (lent.az)

ÖLkə.Az