Kriminal müharibə davam edir

Azərbaycanlı avtoritetlərin toqquşmasında daha 3 nəfər öldürüldü

Moskvadakı "Abşeron" restoranında baş vermiş atışmanın detalları bəlli olub.

Ölkə.az Rusiya KİV-lərinə istinadən xəbər verir ki, Mockvadakı "Abşeron" restoranında baş vermiş atışmanın iştirakçılarının kimliyi bəlli olub. Məlumata görə, atışma illərdir aralarında konflikt olan Nadir Səlifov (Lotu Qulu) və Rövşən Caniyevin (Rövşən Lənkəranski) cinayətkar briqadaları arasında baş verib.

Son illər Rusiyadakı təsir dairələrini genişləndirmək üçün ölüm-dirim müharibəsinə başlayan azərbaycanlı qanqsterlərin toqquşmaları artıq artıq Rusiya gündəmin kriminal xronikasında baş xəbər kimi verilir.

"Abşeron"da baş vermiş atışmada üç nəfərin öldüyü bildirilir. Məlumata görə, Nadir Səlifovun briqadası avtosalonlar şəbəkəsini "tavan" altına almaq üçün Ruslan adlı kriminal avtoritetdən biznesin bu sahəsindən çəkilməyi tələb ediblər. dağıstanlı olduğu güman edilən Ruslan isə kömək üçün inquş kriminal briqadasına və Rövşən Caniyevin briqadasına müraciət edib. "Abşeron"da baş tutan hesablaşmada razılığa gələn bilməyə tərəflər silahlarını çəkib bir-birinə atəş açmağa başlayıblar. Nəticədə 3 nəfər yerindəcə keçinib, kriminal qarşıdurmanın digər iştirakçıları isə atışmanı bir müddət çöldə davam etdirdikdən sonra qaçıblar.

Ölənlərin kimliyi haqqında hələlik heç bir məlumat verilmir.

Ölkə.az