İrandan Azərbaycana intim yerində narkotik gətirən qadın saxlanıldı

Gömrükçülər əməliyyat keçirdilər.

İrandan Azərbaycana daxili orqanında narkotik vasitə keçirməyə cəhd etmiş qadın tutulub.

Ölkə.Az Dövlət Gömrük Komitəsinin (DGK) məlumatına istinadən xəbər verir ki, Biləsuvar Gömrük İdarəsinin “Qoşa Təpə” Gömrük Postunda isə İran İslam Respublikasından Azərbaycana piyada gələn Azərbaycan Respublikası vətəndaşı Qurbanova Pərvanə Bayram qızının üzərində aparılmış şəxsi yoxlama zamanı onun daxili orqanından, gömrük nəzarətindən gizlədilmiş, selofana bükülü 2 ədəd bükümdə, ümumi xalis çəkisi 172,756 qram olan narkotik vasitə heroin aşkar edilib

Məlumata əsasən, bundan sonra Qurrbanova Pərvanə Bayram qızından aşkar edilən narkotik vasitə heroini qəbul edəcək şəxsin müəyyənləşdirilərək saxlanılması istiqamətində müvafiq əməliyyat tədbirləri həyata keçirilib və narkotik vasitəni qəbul edəcək Azərbaycan Respublikası vətəndaşı Qarayev Rəşad Ağaverdi oğlu Biləsuvar Gömrük İda¬rəsinin “Qoşa Təpə” Gömrük Postunun qarşısında saxlanılıb.

Aşkar edilmiş faktlarla bağlı DGK-nin İstintaq İdarəsində zəruri istintaq-əməliyyat tədbirləri davam etdirilir.

Ölkə.Az-ın əldə etdiyi məlumata əsasən, narkotik vasitə qadının intim yerində aşkar olunub.