Maşın piyadanı vurub öldürdü
Gəncədə ölümlə nəticələnən yol nəqliyyat qəzası baş verib.
Hadisə fevralın 14-də saat 20 radələrində şəhərin Əziz Əliyev küçəsində qeydə alınıb. Gəncə şəhər sakini, 1986-cı il təvəllüdlü Xəqani İsgəndərov idarə etdiyi “Volksvagen Toureq“ markalı avtomobili ilə hərəkətdə olarkən yolu keçmək istəyən təxminən 40-45 yaşlar arasında olan kişini vurub. Piyada hadisə yerində dünyasını dəyişib. Ölən şəxsin kimliyi hələ ki, məlum deyil.
Faktla bağlı Gəncə şəhər Baş Polis İdarəsində araşdırma aparılır. (APA)
Ölkə.Az
