“Əli Ayağı” yolunda qadını qətlə yetirən şəxs müəyyənləşdi

Əməliyyat-axtarış tədbirləri davam etdirilir.

Bakıda qadını xüsusi amansızlıqla öldürən şəxsin kimliyi müəyyənləşib.

Ölkə.Az xəbər verir ki, Xəzər Rayon Polis İdarəsindən apa-ya verilən məlumata görə, rayon prokurorluğu və polis əməkdaşlarının birgə həyata keçirdiyi əməliyyat tədbirləri nəticəsində hadisəni törədən şəxsin Əmri Süleymanov olması müəyyən edilib. Hazırda onun tutulması istiqamətində əməliyyat-axtarış tədbirləri davam etdirilir.

Qeyd edək ki, fevralın 13-də Paytaxtın “Əli Ayağı” ziyarətgahına gedən yolda şəxsiyyəti məlum olmayan 30-35 yaşlı qadının meyiti tapılıb. Meyitə ilkin baxış zamanı onun üzərində çoxsaylı bıçaq xəsarətləri aşkar edilib.

Həyata keçirilən əməliyyat axtarış tədbirləri nəticəsində meyiti tapılan şəxsin 1968-ci il təvəllüdlü Rzayeva Xatirə Saməddin qızı olduğu məlum olub.

Faktla bağlı Xəzər Rayon Prokurorluğunda Cinayət Məcəlləsinin 120.1-ci (qəsdən adam öldürmə) maddəsi ilə cinayət işi açılıb./Apa/

Ölkə.Az